Giriş:
Avtomobil sektorunda sıxılmış təbii qaz (STQ) nəqliyyat vasitələri üçün alternativ yanacaq növü hesab edilir və əsasən yük maşınları və ağır tonnajlı nəqliyyat vasitələrinin yaratdığı çirklənmənin azaldılmasına ciddi töhfə verir. Nəqliyyat sektorunda CO₂ emissiyalarının təxminən 25%-i yük maşınlarının payına düşür. Birləşmiş Krallıq yük maşınları üçün geniş STQ doldurma məntəqələri şəbəkəsi yaradaraq nəqliyyat bazarında ətraf mühitin qorunmasına nümunə olub. Bu şəbəkənin yaradılması ölkəyə ikiqat üstünlük qazandırıb:

• CO₂ emissiyalarının ümumilikdə 84% azalması
• Ənənəvi yanacaqlarla müqayisədə 40%-dən çox iqtisadi qənaət

Müştərinin texniki tələbləri:

SAFE-in təqdim etdiyi həllin üstünlükləri və xüsusiyyətləri: 
SAFE İngiltərədə ağır yük maşınlarının yanacaqla doldurulması üçün ən iri STQ stansiyalarından birinin inşaatında iştirak edib. Təqdim edilən həll inteqrasiya olunmuş, yüksək performanslı, çevik və kompakt sistemdir və gündə 800 yük maşınının yanacaqla doldurulması, eyni vaxtda 12 yük maşınına yanacaq vurulmasına imkan verir.

SAFE üç ədəd səssizləşdirilmiş və hava şəraitinə davamlı Microbox M10 modulu təqdim edib. Hər modulun daxilində birbaşa elektrik mühərriklərinə qoşulmuş, geniş diapazonlu giriş təzyiqlərində işləmək imkanına malik iki yüksək performanslı SW seriyalı kompressordan ibarət ikiqat sıxılma xətti quraşdırılıb.

• Birinci sıxılma xətti qazı 1 barG-dən 7 barG-dək sıxmağa qadir olan və maksimum məhsuldarlığı 1460 Sm³/saat təşkil edən SW seriyalı kompressordan ibarətdir.
• İkinci sıxılma xətti qazı 7 barG-dən 300 barG-dək sıxmağa qadir olan və maksimum məhsuldarlığı 1495 Sm³/saat təşkil edən SW seriyalı kompressordan ibarətdir.

Tam etibarlı sistem: 80 litr tutumlu üfürmə sistemi və 68 barG-lıq maksimal yanacaqdoldurma təzyiqi kompressor qurğusunun düzgün fəaliyyətini təmin edir. Bundan başqa, üç xəttə və birbaşa xətlə doluma malik Qaz Yönləndirmə və Təhlükəsizlik Paneli nəqliyyat vasitələrinin yanacaqla sürətli və fasiləsiz doldurulmasını təmin edir.