Giriş:

⠀⠀⠀

Fransada 2017-ci ildən etibarən nəqliyyat şəbəkəsində qaz istehlakı kəskin şəkildə artmışdır (+4,6%). Bu artıma təsir edən əsas amil sənaye sektorunda elektrik enerjisi, kimyəvi maddələr, aqro-ərzaq və metallurgiya sahələrində qaz tələbatının yüksəlməsi (2017-ci ildə +10,7%) olmuşdur. Eyni zamanda, qaz şəbəkələrinə biometanın inteqrasiyası iki dəfə artmışdır. İzafi qazın yığılması və itkisinin qarşısını almaq üçün müxtəlif həllər, o cümlədən müvəqqəti qaz anbarları və əks axın texnologiyası (Şəbəkəyə əks axın) tətbiq edilməyə başlanmışdır.

Texnologiya:
⠀⠀⠀
Əks axın texnologiyası istehlak olunmayan biometanın şəbəkə daxilində sıxılaraq daha yüksək təzyiqli şəbəkəyə ötürülməsi prinsipinə əsaslanır. Bu texnologiya biometanın uzaq istehlak məntəqələrinə ötürülməsinə imkan verir və izafi qazın yandırılmasının və ya atmosferə buraxılmasının qarşısını alır. Sistem avtomatik fəaliyyət göstərir: Şəbəkədə təzyiq yüksək həddə çatdıqda (aşağı istehlak səbəbindən), kompressor qurğusu avtomatik işə düşür; biometan sıxıldıqca təzyiq artır və izafi qaz digər şəbəkəyə yönləndirilir; bu proses ilkin şəbəkədə təzyiq minimum həddə düşənə qədər davam edir – təzyiq aşağı həddə çatdıqda, kompressor avtomatik dayanır. Bu sıxılma sistemləri bütün enerji sisteminin səmərəliliyini mümkün qədər artırır, belə ki, təzyiq dəyişiklikləri vasitəsilə izafi qazın dərhal istehlak edilməsi üçün digər şəbəkələrə yönləndirilməsinə və ya gələcək istifadə üçün anbarlarda saxlanmasına imkan verir.

SAFE-in təqdim etdiyi həllin üstünlükləri və xüsusiyyətləri: 

SAFE aşağıdakı xüsusiyyətlərə malik 8 yüksək texnologiyalara əsaslanan sistem təqdim etmişdir:

Kompressiya qurğusunun operativ çevikliyi və yüksək performansı

2 SV və 6 SW modelindən ibarət olan, elektrik mühərrikinə birbaşa qoşulmuş kompressor qurğuları geniş təzyiq diapazonunda yüksək səmərəliliklə işləyir. Bundan başqa, VFD (Tənzimlənən sürətli ötürücü) və resirkulyasiya xəttinin kombinasiyası məhsuldarlığının 0%-100% tənzimlənməsini təmin edir.

Aşağıdakı cədvəl hər bir kompressor qurğusunun giriş və çıxış təzyiqləri, maksimum məhsuldarlığı və digər göstəricilər üzrə əməliyyat diapazonunu müəyyən edir:

 

SAFE kompressor qurğuları ilə yanaşı bir sıra köməkçi sistemlər də təqdim edərək aşağıdakı üstünlükləri təmin edir:

Aşağıdakıların sayəsində həllin maksimal çeviklik və əlçatanlığı:

• Kompressor qurğusundan əvvəl quraşdırılaraq şəbəkədə suyun miqdarı yüksək olduqda qazın təmizlənməsi və qurudulmasını təmin edən regenerasiyasız quruducular (8 stansiyadan 2-də quraşdırılmışdır).
• Sıxılma prosesinin hər pilləsində qazı soyudan su əsaslı soyutma sistemləri.

Yüksək təhlükəsizlik səviyyəsi: Kompressor qurğuları səssizləşdirilmiş və hava şəraitinə davamlı polad korpusların daxilində quraşdırılmışdır – korpusların ölçüsü stansiyanın spesifik xüsusiyyətlərinə uyğun olaraq dəyişir. Korpuslar qaz və yanğının aşkar edilməsi sistemləri ilə təchiz olunmuşdur. Maksimal təhlükəsizliyi təmin etmək məqsədilə idarəetmə paneli (kompressor qurğusunu və enerji təchizatını idarə edir) mexaniki qurğudan ayrı otaqda layihələndirilmiş və quraşdırılmışdır.

Sıfır emissiya:

Bu sistemlər bəzi hallarda digər istehsalçıların 2,2 kVt gücündə və 3 Nm³/saat maksimum məhsuldarlığa malik sıxılma qurğuları ilə inteqrasiya edilə bilər. Bu tip kompressor qurğusu giriş təzyiqi 10 – 500 mbarG və çıxış təzyiqi 40 – 67,7 barG olmaqla geniş təzyiq diapazonunda işləyir. Kompressor tam avtomatik fəaliyyət göstərir və məhsulun daxilində quraşdırılmış idarəetmə paneli ilə tənzimlənir: gələn qazın təzyiqi 200 mbarG-dən artıq olduqda, kompressor avtomatik aktivləşir, qaz sızmalarını aradan qaldıraraq qazın atmosferə yayılmasının qarşısını alır. Təzyiq 10 mbarG səviyyəsinə endikdə kompressor qurğusu fəaliyyətini dayandırır.